Mərkəzi Gömrük Hospitalının həkim-nefroloqu Mirmənsim Məmmədov 3-7 oktyabr 2018-ci il tarixlərində Türkiyənin Antalya şəhərində keçirilən “35-ci Beynəlxalq nefrologiya, hipertenziya, dializ və transplantasiya” Konqresində iştirak etmək üçün Hospitalın rəhbərliyi tərəfindən ezam olundu.
Beynəlxalq və türk mütəxəssislərin nefrologiya, hemodializ, hipertenziya, transplantasiya mövzularında olan ən son elmi araşdırmaların, tesiz və təqdimatların yer aldığı konqresdə nümayəndəmiz öz poster təqtimatında tədbir iştirakçılarının diqqətinə ölkəmizdə də bu sahələrdə olan inkişaf, islahat və yeniliklər barədə məlumatları çatdırdı.
Posterdə, həmçinin, Mərkəzi Gömrük Hospitalının ən yeni və müasir avadanlıqlarla təchiz olunmuş Nefrologiya və Efferent Terapiya bölümündə həyata keçirilən yüksək səviyyəli müalicə və diaqnostika xidmətləri barədə məlumatlar yer almışdı.
