Dövlət Gömrük Komitəsinin Tibbi Xidmət İdarəsi gömrük sərhəd buraxılış məntəqələrində gömrük əməkdaşları arasında tibbi maariflənidrmə işlərini davam etdirir. “Qırmızı Körpü” sərhəd buraxılış məntəqəsində Tibbi Xidmət İdarəsinin peşəkar həkimləri tərəfindən İLK YARDIMın göstərilməsinə dair təlimlər həyata keçirilmişdir. İlk Yardım təliminin məqsədi sərhədi keçən vətəndaşlara ehtiyac olduğu zaman “həkimə qədər ilk yardımın” göstərilməsidir.
Təlim zamanı aşağıdakı mövzular ətrafında teoretik və praktiki məşğələlər aparılmışdır:
* Ürək-damar sisteminin Anatomiya və Fiziologiyası
* Qan dövranı, Hava yolları və Tənəffüsün idarə
olunması
* Tənəffüs sisteminin Anatomiya və Fiziologiyası
* (Cardio Pulmonary Resuscitation) Ürək - Ağciyər
Reanimasiyası
* Ürək massajı və süni tənəffüs üzrə praktiki məşğələ
* Qanaxma və Xarici qanaxmanın dayandırılmasının
əsas prinsipləri
* Sadə sarğıların qoyulması
* Sadə şinlərdən istifadə prinsipləri
* Yanıqlar (növlər, törədici və klassifikasiya)
* Termiki və kimyəvi yanıqların ilkin müalicəsi
* Gözlərin xarici cismlərdən və kimyəvi maddələrindən
yuyulması
* İlk Yardım çantasının tərkibi və istifadə qaydaları
Belə bir təlimlərin Respublika üzrə bütün sərhəd buraxılış məntəqələrində yaxın zamanda təşkil olunması planlaşdırılır.
