"Ümumdünya İlk Tibbi Yardım Günü”nə həsr edilmiş TƏDBİR keçiriləcək.

10 sentyabr 2022-ci il tarixində Azərbaycan Respublikası Dövlət Gömrük Komitəsinin Sosial İnnovasiyalar və Analitik Təhlil İdarəsinin təşəbbüsü, Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin, Mərkəzi Gömrük Hospitalının və Könüllü Gömrükçü dəstəsinin birgə təşkilatçılığı ilə 10 sentyabr " Ümumdünya İlk Tibbi Yardım Günü”nə həsr edilmiş tədbir keçiriləcək. 

Tədbirdə müxtəlif zədələnmələr, həyati təhlükəli hallar, o cümlədən, ilan, əqrəb, hörümçək, həşərat və digər sancmaları, eləcə də müxtəlif zəhərlənmələr zamanı düzgün ilk yardımın göstərilməsi ilə bağlı qeyri-formal tədris metodları əsasında nəzəri və praktiki hissələrdən ibarət təlim həyata keçiriləcək.

Dövlət Gömrük Komitəsinin Akademiyasının akt zalında əyani olaraq həyata keçiriləcək tədbirdə Azərbaycan Respublikası Dövlət Gömrük Komitəsinin Sosial İnnovasiyalar və Analitik Təhlil İdarəsinin, Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin, Mərkəzi Gömrük Hospitalının rəsmi nümayəndələrinin, o cümlədən könüllü gömrükçü dəstəsinin üzvlərinin iştiraki nəzərdə tutulub. 

Tədbirin yekun müzakirə sessiyasının həyata keçirilməsi və xatirə fotosunun çəkilməsi ilə yekunlaşdırılması planlaşdırılır.