Hospitalın Cərrahiyyə şöbəsində xaricdə təhsil almış və uzunmüddətli iş təcrübəsi toplamış yüksəkixtisaslı həkim kollektivi çalışır.
Ümumi Cərrahiyyə şöbəsində laparoskopik və açıq üsulla bütün növ mürəkkəb cərrahi əməliyyatlar həyata keçirilir. Peşəkar həkimlərimiz tərəfindən qaraciyər, öd kisəsi və öd yollarının, mədəaltı vəzinin törəmələrinin, nazik və yoğun bağırsaqların patologiyaları, dalağın, qida borusu, mədədə, öd kisəsi və öd yollarında aparılan açıq və laparoskopik əməliyyatlar, yırtıqların laparoskopik təmiri, diaqnostik və terapevtik endoskopik müdaxilələr, mədəaltı vəzin tam və hissəvi çıxarılması, proktoloji əməliyyatlar, diafraqma yırtıqlarının laparoskopik təmiri və s. kimi əməliyyatları uğurla icra edilir.
Hospitalımızda unikal cərrahi əməliyyatlar sırasında olan öd yollarının laparoskopik eksplorasiyası müdaxiləsi uğurla tətbiq olunur.
Endoskopik yolla düz bağırsaq fistulasının ləğvi əməliyyatı Respublikamızda ilk dəfə məhz Mərkəzi Gömrük Hospitalında aparılmışdır. Mərkəzi Gömrük Hospitalının rəisi - Baş həkim, ümumi cərrah Bəxtiyar Musayev ölkəmizdə endoskopik əməliyyatları ilk aparanlardan biridir.
Ümumi cərrahiyyə şöbəsində müalicə edilən xəstəliklər:
- Qaraciyər, öd kisəsi, öd yolları və mədəaltı vəzin cərrahi xəstəlikləri;
- Qida borusu, mədə, nazik bağırsaqların cərrahi xəstəlikləri;
- Yoğun və düz bağırsaq xəstəlikləri;
- Yogun bağırsağın qeyri- spesifik iltihabi xəstəlikləri;
- Həzm sistemi orqanlarının xoş və bəd xassəli yeni törəmələri;
- Peritonarxası sahə və çanaq törəmələri;
- Anal bölgənin xəstəlikləri;
- Yırtıqlar;
- Qalxanabənzər vəzin xəstəlikləri;
- Virus hepatitləri;
Ümumi cərrahiyyə şöbəsində həyata keçirilən cərrahi əməliyyatlar:
- Qaraciyərin yeni törəmələri (bəd xassəli şişlər, kistalar, exinokokk, abseslər və s.) zamanı edilən əməliyyatlar;
- Qaraciyərin bədxassəli törəmələrinin Radiotezlikli ablasiyası;
- Qaraciyər sirrozlarının cərrahi müalicəsi;
- Qaraciyərin USM altında iynə biopsiyası;
- Virus hepatitlərinin müalicəsi;
- Öd kisəsi və öd yollarında açıq və laparoskopik cərrahi əməliyyatlar (əməliyyatdaxili USM, öd yollarının vizual (xolangioskopiya) və rentgenolioji (xolangioqrafiya) təqibi);
- Mədəaltı vəzin tam və hissəvi çıxarılması;
- Dalağın açıq və laparoskopik yolla tam və ya hissəvi çıxarılması;
- Mədənin, qida borusunun tam və hissəvi çıxarılması;
- Diafraqma yırtıqlarının laparoskopik təmiri;
- Laparoskopik appendektomiya;
- Diaqnostik laparoskopiya və torakoskopiya;
- Nazik və yoğun bağırsaqlarda aparılan açıq və laparoskopik əməliyyatlar;
- Yırtıqların açıq və laparoskopik üsulla təmiri;
- Abdominoplastika;
- Peritonarxası sahənin kistoz törəmələrinin radikal çıxarılması;
- Qalxanabənzər vəzin tam və hissəvi çıxarılması;
- Babasil düyünlərinə lateks həlqələrinin qoyulması;
- Hemorroidektomiya;
- Pararektal fistulların ləğvi;
- Anal çatın cərrahi müalicəsi;
- Rektoskopiya;
