Açıq qapı • Rezidentlər üçün açıq qapı günü

AÇIQ QAPI GÜNÜNÜN MƏQSƏDİ VƏ VƏZİFƏLƏRİ

MƏQSƏD

Rezidentlərin Mərkəzi Gömrük Hospitalının mövcud şəraiti və imkanları ilə əyani şəkildə tanış olması və yaranan sualların yerində cavablandırılması vasitəsilə onların qərarvermə proseslərinin daha aydın və dəqiq şəkildə həyata keçirməsinə dəstək olunması

VƏZİFƏLƏR

Rezidentura təhsili almaq istəyən namizədlərə Hospitalın və onun şöbələrinin fəaliyyəti, rezidentlər üçün yaradılmış təlim və praktiki fəaliyyət imkanları, o cümlədən elmi tədqiqatlarda iştirak üçün yaradılmış şərait barədə ətraflı məlumat verilməsi.
2023-2024-cü illər üçün rezidentura qəbulu üzrə müsabiqə şərtlərini ödəyən namizədlərin, digər tibb müəssisələrində rezidentura təhsilini davam etdirən və Mərkəzi Gömrük Hospitalında rotasiya keçmək istəyən rezidentlərin, habelə ATU-nun sonuncu kurs tələbələrinin Açıq qapı günlərində iştirakına şərait yaradılması.

REZİDENTLƏR ÜÇÜN AÇIQ QAPI GÜNÜ

14 və 15 avqust 2023-cü il tarixlərində Azərbaycan Respublikası Dövlət Gömrük Komitəsinin Tibbi Xidmət İdarəsinin təşkilatçılığı ilə Mərkəzi Gömrük Hospitalında rezidentlər üçün açıq qapı günləri təşkil ediləcəkdir.

Açıq qapı günləri çərçivəsində Mərkəzi Gömrük Hospitalında rezidentura təhsili almaq istəyən namizədlərə Hospitalın və onun şöbələrinin fəaliyyəti, rezidentlər üçün yaradılmış təlim və praktiki fəaliyyət imkanları, o cümlədən elmi tədqiqatlarda iştirak üçün yaradılmış şərait barədə ətraflı məlumat veriləcək.

Tibbi Xidmət İdarəsi bir çox yerli və beynəlxalq əhəmiyyətli təşkilarla əməkdaşlıq edərək istər təlim-tədris prosesinin, istər də tibbi xidmətlərin dünya standartalarına uyğunlaşdırılması istiqamətində mütəmadi işlər həyata keçirməkdədir. Bu baxımdan rezidentlərin yaradılmış mövcud şərait və imkanlarla əyani şəkildə tanış olması və yaranan sualların yerində cavablandırılması onların qərarvermə proseslərini daha aydın və dəqiq şəkildə həyata keçirməsinə öz müsbət töhfəsini verəcək.

2023-2024-cü illər üçün rezidentura qəbulu üzrə müsabiqə şərtlərini ödəyən namizədlər, digər tibb müəssisələrində rezidentura təhsilini davam etdirən və Mərkəzi Gömrük Hospitalında rotasiya keçmək istəyən rezidentlər, habelə ATU-nun sonuncu kurs tələbələri Açıq qapı günlərində iştirak edə bilər.

Açıq qapı günlərində iştirak etmək istəyən şəxslərin qeydiyyatdan keçməsi mütləqdir!

KONFRANSIN MƏQSƏD VƏ VƏZİFƏLƏRİ

MƏQSƏD

Qlobal pandemiyanın arzuolunmaz nəticəsi olan postkovid sindrom barədə müvafiq ixtisaslı mütəxəssislərin maarifləndirilməsi

VƏZİFƏLƏR

Ekspertlərin iştirakı ilə postkovid sindromla əlaqəli sıx rast gəlinən müzakirəli mövzular barədə mütəxəssislərarası təcrübə mübadiləsinin təşkili
Həkimlərin bilik və bacarıqlarının təkmilləşdirilməsi istiqamətində müzakirələrin və sual-cavab sesiyalarının təşkil olunması

“Postkovid sindrom: Qlobal pandemiyanın arzuolunmaz nəticəsi” mövzusunda Elmi Konfrans həyata keçiriləcəkdir.

30 may 2023-cü il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin və Mərkəzi Gömrük Hospitalının birgə təşkilatçılığı ilə “Postkovid sindrom: Qlobal pandemiyanın arzuolunmaz nəticəsi” mövzusunda Elmi Konfrans həyata keçiriləcəkdir.

Konfransda postkovid sinromla əlaqəli mövzulara dair yüksəkixtisaslı mütəxəssislər tərəfindən təqdimatlar ediləcək və auditoriyanı maraqlandıran suallar cavablandırılacaq.

Proqrama uyğun olaraq Konfrans immunoloq, allerqoloq, terapevt, dermatoveneroloq, endokrinoloq, infeksionist, fizioterapevt, anestezioloq-reanimatoloq, psixiatr ixtisasına malik həkimlər və rezidentlər üçün nəzərdə tutulmuşdur.

Hərkəs üçün əlçatanlığı təmin etmək məqsədilə Konfrans hibrid formatda həyata keçiriləcək. Konfrans əyani şəkildə Mərkəzi Gömrük Hospitalının akt zalında, distant olaraq isə ZOOM platformasında həyata keçiriləcək.

Konfransın akkreditasiya edilməsi üçün Səhiyyə Nazirliyinə müraciət edilmişdir.
Konfransda iştirak ödənişsizdir!
Yerlər məhdud olduğu üçün qeydiyyatdan keçmək MÜTLƏQDİR!