Azərbaycan Radioloqlarının II-ci Elmi –Praktik Konfransı keçiriləcək
14 may 2022-ci il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin, Mərkəzi Gömrük Hospitalının və Azərbaycan Radioloqlar Cəmiyyətinin birgə təşkilatçılığı, eləcə də “Bayer” şirkətinin əməkdaşlığı ilə Azərbaycan Radioloqlarının II-ci Elmi-Praktik Konfransı həyata keçiriləcək.
Radioloji diaqnostika ilə bağlı müvafiq sahədə fəaliyyət göstərən mütəxəssislər arasında təcrübə mübadiləsinin təşkili məqsədilə həyata keçiriləcək Konfranda Azərbaycan və Türkiyədən olan ekspertlər tərəfindən müxtəlif xəstəliklər zamanı düzgün radioloji yanaşmanın vacibliyi barədə ümumilikdə 18 məruzənin dinlənilməsi planlaşdırılır. Bunlarla yanaşı Konfrans zamanı mütəxəssislərin bilik və bacarıqlarının təkmilləşdirilməsi istiqamətində müzakirələrin və sual-cavab sesiyalarının təşkil olunması nəzərdə tutulur.
Konfrans proqrama uyğun olaraq xüsusilə radioloq, travmatoloq-ortoped, neyrocərrah, onkoloq, kardioloq, ürək-damar cərrahı, ümumi cərrah, pediatr, uroloq və nefroloq ixtisasına malik həkimlər üçün nəzərdə tutulmuşdur.
- Proqramın 80 faizini tamamlayan hər bir iştirakçıya 8 DTT balı və sertifikat veriləcək.
- Konfrans ZOOM platforması üzərindən həyata keçiriləcək.
- Yerlər məhdud olduğu üçün qeydiyyatdan keçmək MÜTLƏQDİR!
- Konfransda iştirak ödənişsizdir. Hərkəs konfransda iştirak üçün dəvətlidir!
