Master-Klass • Fetal Təbabət üzrə

MASTER-KLASSIN MƏQSƏDİ VƏ VƏZİFƏLƏRİ

MƏQSƏD

Fetal təbabət sahəsində elmi-praktik yeniliklərin, ana bətnində dölün diaqnostikası və cərrahi müalicəsi üzrə qabaqcıl beynəlxalq təcrübələrin mənimsənilməsini təmin etmək, mürəkkəb klinik hallarda ultrasəs müayinəsi göstəricilərinə əsasən doğru qərarların qəbul edilməsi bacarıqlarını inkişaf etdirmək və müvafiq sahə mütəxəssislərinin peşəkar səriştələrini artırmaqla ana və döl sağlamlığının qorunması sisteminə töhfə verməkdir.

VƏZİFƏLƏR

Ana bətnində dölün müalicəsi və cərrahiyyəsi (fetal təbabət) sahəsində qabaqcıl klinik təcrübələrin öyrənilməsi və yerli mütəxəssislər arasında tətbiqi;
Mürəkkəb fetal hallarda ultrasəs müayinəsi tapıntılarından doğru klinik qərarlara keçid alqoritmlərinin və müasir diaqnostik yanaşmaların mənimsənilməsi;
Fetal patologiyalar üzrə real klinik halların təqdimatı və interaktiv müzakirələr vasitəsilə mama-ginekoloqların və ultrasəs mütəxəssislərinin praktiki qərarqəbuletmə səriştələrinin artırılması.

Mərkəzi Gömrük Hospitalında “Fetal Təbabət üzrə Master-Klass” mövzusunda Master-Klass keçiriləcək.

18 sentyabr 2026-cı il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin, Mərkəzi Gömrük Hospitalının və Britaniya-Azərbaycan Həkimləri və Stomatoloqları Assosiasiyasının birgə təşkilatçılığı ilə “Fetal Təbabət üzrə Master-Klass” keçiriləcəkdir. Mərkəzi Gömrük Hospitalında təşkil olunacaq master-klassda mürəkkəb fetal hallar, ultrasəs müayinəsi göstəriciləri əsasında düzgün klinik qərarların qəbul edilməsi, ana bətnində dölün müalicəsi və cərrahiyyəsi kimi vacib mövzular ətrafında mühazirələr dinləniləcək, eləcə də real klinik halların təqdimatı və interaktiv müzakirələr aparılacaqdır.

Tədbir proqrama uyğun olaraq mama-ginekoloq və radioloq ixtisaslı həkimlər, eləcə də rezidentlər üçün nəzərdə tutulmuşdur.
Yerlər məhdud olduğu üçün qeydiyyatdan keçmək mütləqdir!
Master-Klassda iştirak ödənişsizdir.
Master-Klassın akkreditasiya edilməsi üçün Səhiyyə Nazirliyinə müraciət edilmişdir.
Hər kəs master-klassda iştirak üçün dəvətlidir!