24 iyun 2022-ci il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin, Mərkəzi Gömrük Hospitalının və Yeni Azərbaycan Partiyası Astara Rayon Təşkilatının birgə təşkilatçılığı ilə 26 iyun – Narkomaniyaya və Narkobiznesə qarşı Beynəlxalq Mübarizə Gününə həsr edilmiş “Region Gənclərinin Narkomaniya ilə mübarizə Forumu” keçiriləcək.

Region gənclərinin iştirakı ilə həyata keçiriləcək Forumda narkomaniyanın fəsadları, eləcə də narkomaniya ilə mübarizə istiqamətində səhiyyə, təhsil, hüquq mühafizə və gənclər sektorunun rolu barədə məruzələr təqdim olunacaq, auditoriyanı maraqlandıran suallar cavablandırılacaq.

Astara rayon Mədəniyyət Mərkəzində həyata keçiriləcək tədbir eyni zamanda Mərkəzi Gömrük Hospitalının rəsmi facebook səhifəsi üzərindən də canlı yayımlanacaq.

Tədbir 24 iyun saat 10:00-da öz işinə başlayacaq. Hərkəsi tədbiri canlı izləməyə dəvət edirik!