“Qurğuşunla zəhərlənmənin qarşısının alınması üzrə beynəlxalq tədbirlər həftəsi”nə həsr edilmiş Dəyirmi masa  həyata keçiriləcək.

27 oktyabr 2023-cü il tarixində Azərbaycan Respublikası Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin, Mərkəzi Gömrük Hospitalının və Azəri  Toksikoloqlar Dərnəyinin birgə təşkilatçılığı ilə ÜST-nin “Qurğuşunla zəhərlənmənin qarşısının alınması üzrə beynəlxalq tədbirlər həftəsi”nə həsr edilmiş “Uşaqlarda qurğuşun zəhərlənməsinin profilaktikası” mövzusunda Dəyirmi Masa həyata keçiriləcək.

Tədbir zamanı yüksəkixtisaslı mütəxəssislər tərəfindən “Qurğuşuna məruz qalmanın əhatə dairəsi və sağlamlıq üçün təhlükələri”, “Məişət boyalarında qurğuşun və onun zərərləri” və “Qurğuşunla zəhərlənmələrin qarşısının alınmasında maarifləndirmə və multisektoral əməkdaşlığın əhəmiyyəti” mövzularında məruzələr təqdim ediləcək, sual-cavab və müzakirələr təşkil ediləcək.

Tədbir əyani olaraq saat 14:30-dan 17:00-dək Mərkəzi Gömrük Hospitalının akt zalında həyata keçiriləcək.