“Ana və uşaq sağlamlığında multidissiplinar yanaşmalar, perspektivlər və aktual çağırışlar” mövzusunda Beynəlxalq Elmi Konfrans keçiriləcək.
19 sentyabr 2026-cı il tarixində Bakı şəhərində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin və Mərkəzi Gömrük Hospitalının birgə təşkilatçılığı, Florence Nightingale Xəstəxanalar Qrupunun və Britaniya-Azərbaycan Həkimləri və Stomatoloqları Assosiasiyasının dəstəyi ilə “Ana və uşaq sağlamlığında multidisiplinar yanaşmalar, perspektivlər və aktual çağırışlar” mövzusunda Beynəlxalq Elmi Konfrans keçiriləcəkdir.
Konfrans çərçivəsində Azərbaycan, Türkiyə və Böyük Britaniyadan dəvət olunmuş yüksəkixtisaslı mütəxəssislər tərəfindən elmi təqdimatların keçirilməsi, eləcə də ölkəmizdə fəaliyyət göstərən tibb mütəxəssislərinin beynəlxalq klinik təcrübə ilə tanış olması məqsədilə panel müzakirələrinin təşkili nəzərdə tutulur. Panel müzakirələri zamanı ana və uşaq sağlamlığının təmin edilməsində müxtəlif tibbi ixtisaslar arasında koordinasiyanın gücləndirilməsi, pasiyentyönümlü yanaşmanın tətbiqi, klinik qərarvermənin təkmilləşdirilməsi və müasir tibbi texnologiyalardan səmərəli istifadə imkanları ətrafında fikir mübadiləsinin aparılması nəzərdə tutulur.
Konfrans proqrama uyğun olaraq, mama-ginekoloq, neonatoloq, pediatr, kardioloq, radioloq, ümumi cərrah, uşaq cərrahı, anestezioloq-reanimatoloq, infeksionist, oftalmoloq, otorinolarinqoloq, psixiatr və nevropatoloq ixtisasları üzrə fəaliyyət göstərən həkimlər və rezidentlər üçün nəzərdə tutulmuşdur.
Ana və uşaq sağlamlığının qorunması və möhkəmləndirilməsi istiqamətində müasir tibbi yanaşmaların, diaqnostika və müalicə imkanlarının, beynəlxalq təcrübənin, eləcə də multidisiplinar əməkdaşlığın əhəmiyyətinin vurğulanması məqsədilə təşkil ediləcək
Elmi Konfransın akkreditasiyası üçün Azərbaycan Respublikası Səhiyyə Nazirliyinə müraciət edilmişdir.
Konfransda iştirak ödənişsizdir.
Qeydiyyatdan keçmək mütləqdir!
