Astara rayonunda “Ümumdünya Ürək Günü”nə həsr edilmiş silsilə tədbirlər həyata keçiriləcəkdir.
27-29 sentyabr 2024-cü il tarixlərində Dövlət Gömrük Komitəsi Tibbi Xidmət İdarəsinin Elmi-Təcrübi və Tədris Mərkəzinin və Mərkəzi Gömrük Hospitalının birgə təşkilatçılığı ilə həyata keçiriləcək “Astara Sağlamlıq Günləri” çərçivəsində Astara rayonunda “Ümumdünya Ürək Günü”nə həsr edilmiş silsilə tədbirlər baş tutacaq.
- 27 sentyabr 2024-cü il tarixində “Azərbaycan Respublikasında Anım Günü”ndə Mərkəzi Gömrük Hospitalının, C. Abdullayev adına Elmi-Tədqiqat Kardiologiya İnstitutunun və TƏBİB-in birgə təşkilatçılığı və ixtisaslaşmış tibb işçilərindən ibarət briqadanın iştirakı ilə Astara Rayon Mərkəzi Xəstəxanasında şəhid və qazi ailələrinin üzvləri üçün ödənişsiz tibbi-sosial xeyriyyə aksiyasının keçirilməsi planlaşdırılır. Aksiya zamanı tibbi yardıma ehtiyacı olan şəhid və qazi ailələrinin üzvlərinə EXO, EKQ, USM və digər zəruri müayinələr (qanda şəkər və xolesterinin təyini, arterial təzyiqin ölçülməsi və s.) vasitəsilə diaqnozun qoyulması və müvafiq müalicələrin təyin edilməsi nəzərdə tutulur.
- 28 sentyabr 2024-cü il tarixində Astara rayon Mədəniyyət Mərkəzində cənub regionunun (Lənkəran, Masallı, Astara, Lerik, Yardımlı, Cəlilabad, Biləsuvar, Salyan və Əlibayramlı rayonlarının) tibb işçiləri üçün "Ümumdünya Ürək Günü”nə həsr edilmiş "Ürək-damar xəstəliklərinin müalicəsində beynəlxalq təcrübənin tətbiqi" mövzusunda Beynəlxalq Elmi Konfransın həyata keçirilməsi planlaşdırılır. Konfrans zamanı yerli və beynəlxalq ekspertlər tərəfindən təqdimatların edilməsi və region həkimlərinin beynəlxalq təcrübədən yararlanması üçün panel müzakirələrin təşkil olunması nəzərdə tutulur.
- 29 sentyabr 2024-cü il tarixində isə 2024-cü ilin “Yaşıl dünya naminə həmrəylik ili” elan edilməsi ilə bağlı “Təmiz təbiət-sağlam həyat” şüarı ilə Astara şəhərində ekoloji askiyanın keçirilməsi nəzərdə tutulur.
Müvafiq fəaliyyətlərin təşkili ilə bağlı Azərbaycan Respublikası Səhiyyə Nazirliyinin Akademik C.M.Abdullayev adına Elmi-Tədqiqat Kardiologiya instututu, TƏBİB, Astara Rayon İcra Hakimiyyəti, Azərbaycan Ürək və Sağlamlıq Assosiasiyası, Astara Rayon Mədəniyyət Mərkəzi və Astara Rayon Mərkəzi xəstəxanası ilə əməkdaşlıq ediləcəkdir.
