"Pediatriyada Elmi İrs Və İnnovasiyalar: Hibrid Dünyada Uşaq Olmaq" mövzusunda Beynəlxalq Konqres keçiriləcək
28 fevral 2026-cı il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin, Mərkəzi Gömrük Hospitalının və Azərbaycan Tibb Universitetіnin birgə təşkilatçılığı ilə Professor Nəsibə Ağaismayıl qızı Hüseynovanın 100 illiyinə həsr olunmuş “Pediatriyada Elmi İrs Və İnnovasiyalar: Hibrid Dünyada Uşaq Olmaq” mövzusunda Beynəlxalq Konqres həyata keçiriləcək.
Mərkəzi Gömrük Hospitalının akt zalında həyata keçirilməsi planlaşdırılan Beynəlxalq Konqresdə “Uşaq qastroenterologiyası və dietologiya” və “Beynin inkişaf yolu və inkişaf geriliklərində qırmızı bayraqlar” başlıqlı 2 paneldə ümumilikdə 12 məruzə dinləniləcək.
Konqresdə pediatriya sahəsində aktual problemlər, innovativ yanaşmalar, müasir diaqnostika və müalicə üsulları, eləcə də rəqəmsal texnologiyaların uşaq sağlamlığına təsiri müzakirə olunacaq və tədbir sual-cavab sessiyaları ilə interaktiv şəklində həyata keçiriləcək.
Konqres proqrama uyğun olaraq xüsusilə pediatrlar, ailə həkimləri, səhiyyə mütəxəssisləri və tədqiqatçılar üçün nəzərdə tutulmuşdur.
Konqres Azərbaycan Respublikası Səhiyyə Nazirliyinin “Davamlı Tibbi Təhsil üzrə elm və tədris tədbirlərinin akkreditasiya Qaydaları“ əsasında akkreditasiya olunmuş və 10 DTT balı ilə qiymətləndirilmişdir.
