Uroonkoloqların aylıq toplantısı • 30 Aprel 2026 MR fuzion biopsiyasının prostat xərçənginin diaqnostikasında əhəmiyyəti

TOPLANTININ MƏQSƏDİ VƏ VƏZİFƏLƏRİ

MƏQSƏD

Prostat xərçənginin diaqnostikasında MR fuzion biopsiyasının və multiparametrik MRT-nin rolunun qiymətləndirilməsi, PIRADS sinifləndirilməsinin klinik praktikada tətbiq imkanlarının müzakirəsi və müasir diaqnostik yanaşmalar üzrə mütəxəssislər arasında təcrübə mübadiləsinin təşviq edilməsi.

VƏZİFƏLƏR

MR fuzion biopsiyası və ARTEMS texnologiyası ilə bağlı əsas elmi və klinik məlumatların təqdim edilməsi.
Multiparametrik MRT və PIRADS sinifləndirilməsinin diaqnostikadakı rolunun müzakirəsi.
Mütəxəssislər arasında təcrübə mübadiləsinin təşkili və əməkdaşlığın gücləndirilməsi.

“MR fuzion biopsiyasının prostat xərçənginin diaqnostikasında əhəmiyyəti“ mövzusunda Uroonkoloqların aylıq Toplantısı keçiriləcək.

30 aprel 2026-cı il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin və Mərkəzi Gömrük Hospitalının təşkilatçılığı, Saf Farmanın dəstəyi ilə “MR fuzion biopsiyasının prostat xərçənginin diaqnostikasında əhəmiyyəti“ mövzusunda Uroonkoloqların aylıq Toplantısı keçiriləcək.

Mərkəzi Gömrük Hospitalının akt zalında həyata keçiriləcək tədbirdə“MR fuzion prostat biopsiyası-İneqrativ ARTEMS texnologiyasının tətbiqi” və ”Multiparametrik MRT-nin prostat xərçənginin diaqnostikasındakı yeri: PIRADS sinifləndirilməsi uroloqa nə qədər lazımdır?” mövzularında məruzələr və müvafiq mövzulara dair məqalə təqdimatı dinləniləcək. Tədbir müzakirələr və sual-cavab sesiyaları vasitəsilə interaktiv şəklində həyata keçiriləcək.

Toplantı proqrama uyğun olaraq xüsusilə uroloq, radioloq və onkoloq ixtisasına malik həkimlər və rezidentlər üçün nəzərdə tutulmuşdur.

Yerlər məhdud olduğu üçün qeydiyyatdan keçmək MÜTLƏQDİR!
Toplantıda iştirak ödənişsizdir. Hərkəs toplantıda iştirak üçün dəvətlidir!