NAXÇIVAN SAĞLAMLIQ GÜNLƏRİ

TƏDBİRİN MƏQSƏDİ VƏ VƏZİFƏLƏRİ

MƏQSƏD

BMT-nin “Dayanıqlı İnkişaf üzrə 2030 Gündəliyi”nə əsasən III Davamlı İnkişaf Məqsədinin müvafiq hədəfinə (Hədəf 3.4: 2030-cu ilədək, profilaktika və müalicə vasitəsilə qeyri-yoluxucu xəstəliklərdən erkən ölüm hallarını üçdə bir dəfə azaltmaq, psixi sağlamlığı və ümumi rifahı təşviq etmək) nail olunması istiqamətində ölkəmizdə həyata keçirilən fəaliyyətlərin icrasına da töhfə vermək

VƏZİFƏLƏR

Maarifləndiri tədbirlər vasitəsilə əhalinin tibbi məlumatlılığının artırılması
Tibb işçilərinin davamlı tibbi təhsil ehtiyaclarının təmin edilməsi məqsədilə mütəxəssislərarası təcrübə mübadiləsinin təşkili
Xəstəliklərin erkən aşkarlanması və qarşısının alınması istiqamətində tibbi müayinələrin həyata keçirilməsi

Naxçıvan Muxtar Respublikasının 100 illik yubileyinə və Ümummilli lider Heydər Əliyevin anadan olmasının 101-ci ildönümünə həsr edilmiş "Naxçıvan Sağlamlıq Günləri" həyata keçiriləcəkdir.

2-4 may 2024-cü il tarixlərində Azərbaycan Respublikası Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzi, Mərkəzi Gömrük Hospitalı, rəsmi tərəfdaş Türkiyənin Florence Nightingale Xəstəxanalar Qrupu və Naxçıvan Baş Gömrük İdarəsinin birgə təşkilatçılığı ilə Naxçıvan şəhərinin əhalisi üçün “Naxçıvan Muxtar Respublikasının 100 illik yubileyinə və Ümummilli lider Heydər Əliyevin anadan olmasının 101-ci ildönümünə həsr edilmiş “Naxçıvan Sağlamlıq Günləri"nin həyata keçiriləcək.

“Naxçıvan Sağlamlıq Günləri" çərçivəsində aşağıdakı tədbirlərin təşkili nəzərdə tutulur:

2 may 2024-cü il tarixində Naxçıvan Baş Gömrük İdarəsinin əməkdaşları üçün “İşlə bağlı stress və onun qarşısının alınması yolları” mövzusunda psixoloji təlimin həyata keçirilməsi;

3 may 2024-cü il tarixində Naxçıvan MR Səhiyyə Nazirliyi, Naxçıvan Dövlət Universitetinin Tibb fakultəsi və Azərbaycan Reanimatoloqlar və Anestezioloqlar Cəmiyyətinin əməkdaşlığı ilə Naxçıvan şəhərində fəaliyyət göstərən həkimlər üçün “Beyin ölümü diaqnozunun təyininə multidissiplinar yanaşma” mövzusunda Elmi Konfransın həyata keçirilməsi;

4 may 2024-cü il tarixində isə Naxçıvan MR Əmək və Əhalinin Sosial Müdafiə Nazirliyi və Naxçıvan şəhər İcra Hakimiyyətinin əməkdaşlığı ilə Mərkəzi Gömrük Hospitalının və rəsmi tərəfdaş Türkiyənin Florence Nightingale Xəstəxanalar Qrupunun ixtisaslaşmış tibb işçilərindən ibarət briqadasının iştirakı ilə Naxçıvan Mərkəzi Xəstəxanasında şəhid və qazi ailələrinin üzvləri üçün ödənişsiz tibbi-sosial xeyriyyə aksiyasının keçirilməsi planlaşdırılır. Aksiya zamanı tibbi yardıma ehtiyacı olan şəhid və qazi ailələrinin üzvlərinə EXO, EKQ, USM və digər zəruri müayinələr (qanda şəkər və xolesterinin təyini, arterial təzyiqin ölçülməsi və s.) vasitəsilə diaqnozun qoyulması və müvafiq müalicələrin təyin edilməsi.

Müvafiq fəaliyyətlərin təşkili ilə bağlı Naxçıvan Muxtar Respublikası Əmək və Əhalinin Sosial Müdafiəsi Nazirliyi, Naxçıvan Muxtar Respublikası Səhiyyə Nazirliyi, Naxçıvan şəhər İcra Hakimiyyəti, Naxçıvan Dövlət Universiteti və Naxçıvan Muxtar Respublikası Daxili İşlər Nazirliyi ilə əməkdaşlıq edilməsi nəzərdə tutulur.