“Yeni növ narkotik vasitələr, psixotrop maddələr, hallüsinogenlər və prekursorlar” mövzusunda maarifləndirici təlim həyata keçiriləcək
27 avqust 2024-ci il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin və Mərkəzi Gömrük Hospitalının birgə təşkilatçılığı ilə “Yeni növ narkotik vasitələr, psixotrop maddələr, hallüsinogenlər və prekursorlar” mövzusunda maarifləndirici təlim həyata keçiriləcək.
Əyani şəkildə Mərkəzi Gömrük Hospitalında həyata keçirilməsi planlaşdırılan maarifləndirici təlim “Ənənəvi” və yeni narkotik vasitələr, psixotrop maddələr və hallüsinogenlər: müasir dünyanın qlobal problemi", " Psixotrop preparatlar: onların riskləri və fəsadları" “Prekursorlar haqqında nələri bilməliyik?” və “Saxta dərman vasitələri və onların yayılmasına qarşı mübarizə” mövzularında təqdimatlar dinləniləcək. maarifləndirici təlim müzakirələr və sual-cavab sesiyaları vasitəsilə interaktiv şəklində həyata keçiriləcək.
Gömrük orqanlarının rəhbər vəzifəli şəxslərinin iştirakı ilə həyata keçiriləcək maarifləndirici təlimin effektivliyinin və təlim iştirakçılarının biliklərinin təlimdən əvvəl (pre-test) və sonra (post-test) qiymətləndirilməsi nəzərdə tutulur.
