Mərkəzi Gömrük Hospitalın Cərrahiyyə bölməsinin rəisi, tanınmış ümumi cərrah, qastoenteroloq-hepatoloq Namiq Novruzov 16-21 oktyabr tarixlərində Türkiyənin Antalya şəhərində təşkil olunmuş Beynəlxalq Transplantasiya Cəmiyyətinin 1-ci Konqresində iştirak etdi. Transplantasiya problemlərinə həsr olunan beynəlxalq konqresdə nümayəndəmiz “Canlı qaraciyər donorlarında qaraciyər parenximasının preoperativ dəyərləndirilməsi (Preoperativ evaluation of Liver Parenchyma of donors in LDLT)” mövzusunda tezisi ilə çıxış etdi.
Mərkəzi Gömrük Hospitalında həyata keçirilən müxtəlif mürəkkəb əməliyyatlardan və Hospitalın müasir tibbi texniki imkanlarından danışan ümumi cərrah Dr. Namiq Novruzovun nitqi konfrans iştirakçıları tərəfindən maraqla qarşılandı.
