Azərbaycan Respublikası Dövlət Gömrük Komitəsinin sədrinin tapşırığına uyğun olaraq 12 avqust 2025-ci il tarixində Mərkəzi Gömrük Hospitalında SWOT Təhlili üzrə 2026-2030-cu illəri əhatə edən Tibbi Xidmət İdarəsinin strateji inkişaf planın hazırlanmasına həsr olunmuş təlim keçirilib. Təlimdə  Dövlət Gömrük Komitəsi Tibbi Xidmət İdarəsinin, Mərkəzi Gömrük Hospitalının, Elmi-Təcrübi və Tədris Mərkəzinin rəhbərləri, şöbə rəisləri, həkimlər və əməkdaşlar iştirak ediblər.

4 avqust 2025-ci il tarixində Mərkəzi Gömrük Hospitalında Dövlət Gömrük Komitəsinin Baş Gömrük Mühafizə Xidmətinin əməkdaşları üçün “Təməl Həyata Dəstək” təlimi keçirilib. Təlimi açılış nitqi ilə açan Dövlət Gömrük Komitəsi Tibbi Xidmət İdarəsinin rəis müavini Şahlar Mirqasım bu cür maarifləndirici tədbirlərin gömrük əməkdaşlarının fövqəladə hallarda çevik və effektiv müdaxilə bacarıqlarını artırmaq baxımından mühüm əhəmiyyət kəsb etdiyini vurğulayıb.

30 iyul 2025-ci il tarixində ilə Mərkəzi Gömrük Hospitalında “Novartis” farma şirkətinin nümayəndələri ilə əməkdaşlıq görüşü keçirilib. Görüşdə Azərbaycanın səhiyyə sahəsində beynəlxalq tərəfdaşlıq imkanlarının genişləndirilməsi, innovativ müalicə metodlarının tətbiqi,  tibbi təhsil və təcrübə mübadiləsinə birgə layihələrin həyata keçirilməsi ilə bağlı əməkdaşlıq perspektivləri müzakirə olunub.