İyunun 3-də “Medical Media” şirkətinin təşkilatçılığı ilə Azərbaycanın ilk ixtisaslaşmış tibb kanalı SƏHİYYƏ TV-də mükafatların təqdimatı mərasimi keçirilib. “Türk dünyası tibbinə xidmətə görə” mükafat Türkiyənin Türk Dünyası Araşdırmaları Beynəlxalq Elmlər Akademiyası tərəfindən Azərbaycan Respublikası Dövlət Gömrük Komitəsi Tibbi Xidmət İdarəsinin Mərkəzi Gömrük Hospitalına təqdim edilib.

Dövlət Gömrük Komitəsinin Tibb Xidmət İdarəsinin və Mərkəzi Gömrük Hospitalının Azərbaycan Respublikası Təhsil Nazirliyi ilə əməkdaşlığı çərçivəsində Mərdəkan qəsəbəsində yerləşən valideyn himayəsindən məhrum olmuş uşaqlar üçün 2№-li ümumi orta internat məktəbində 1 İyun Uşaqların Beynəlxalq Müdafiəsi gününə həsr edilmiş tibbi aksiya keçirilib.

27 may 2022-ci il tarixində 28 May Müstəqillik Gününə həsr edilmiş tədbir keçirilib. Tədbir Azərbaycan Respublikasının dövlət himninin səsləndirilməsi ilə başlayıb. Tədbirdə Azərbaycan Respublikası Tibbi Xidmət İdarəsinin rəis müavinləri Şahlar Mirqasım və Elnurə Novruzlu, Mərkəzi Gömrük Hospitalının baş həkimi Elman Məmmədov, Dövlət Gömrük Komitəsinin Tibbi Xidmət İdarəsinin və Mərkəzi Gömrük Hospitalının kollektivi iştirak ediblər.