Son vaxtlar Gürcüstanda qənaətbəxş olmayan epidemik vəziyyətin yaranması ilə əlaqədar Dövlət Gömrük Komitəsi tərəfindən gömrük-sərhəd buraxılış məntəqələrində müvafiq sanitar-profilaktik tədbirləri həyata keçirilir. Bu işə cavabdeh olan Gömrük Sərhəd Buraxılış Məntəqələrinin İşinin Təşkili Baş İdarəsi müvafiq öhdəliyin yerinə yetirilməsi istiqamətində zəruri addımlar atır.

Bu gün Ümumdünya Gömrük Təşkilatının baş katibi Kunio Mikuriya ölkəmizə səfəri çərçivəsində Azərbaycan Respublikası Dövlət Gömrük Komitəsi Tibbi Xidmət İdarəsinin fəaliyyəti ilə tanış olmuş, Mərkəzi Gömrük Hospitalını ziyarət etmişdir.

Bu gün Mərkəzi Gömrük Hospitalın 10 illiyi tamam olur!

25 dekabr 2008-ci ildə möhtərəm Prezidentimiz cənab İlham Əliyevin iştirak etdiyi açılış mərasimi ilə fəaliyyətə başlamış Mərkəzi Gömrük Hospitalı ölkə başçısının gömrük əməkdaşları, onların ailə üzvləri və ümumilikdə əhalinin sosial müdafiəsinə göstərdiyi diqqətin parlaq bir nümunəsi oldu.

Bu 10 il ərzində keçdiyi yola, əldə olunan uğurlara, nailiyyətlərə bir daha nəzər yetirmək, bu tarixi günü dostların, partnyorların, möhtərəm qonaqların və ilk gündən Hospitalda çalışan həkimlərin əhatəsində keçirmək üçün 22 dekabr tarixində Four Seasons otelində Hospitalın 10 illiyininə həsr olunmuş təntənəli yubiley tədbiri baş tutdu.