8 fevral 2020-ci il tarixində Mərkəzi Gömrük Hospitalında “Kolorektal cərrahiyyədə müasir yanaşmalar” mövzusunda seminar keçirilib.Seminarın açılış mərasimində Mərkəzi Gömrük Hospitalının rəisi Elman Məmmədov, Azərbaycan Kolon Rektum Cərrahi Dərnəyinin sədri Xaləddin Musayev və Türkiyə Kolorektal Cərrahiyyə Dərnəyinin sədri Ayhan Kuzu seminar iştirakçılarını salamlayıb, dünyada və ölkəmizdə kolorektal cərrahiyyənin vəziyyəti, tibbin son yenilikləri haqqında məlumat veriblər.

Hospitalımızın Xəstə Xidmətləri şöbəsinin əməkdaşları 31 yanvar 2020-ci il tarixində "Motivasiyalı işçi” təlimində iştirak ediblər. Təlimi “Opalus Partners” şirkətinin rəhbəri Çimnaz Qasımova aparıb. Təlimdə uğurun sirləri, iş yerində motivasiyalı olmaq və qarşıya çıxan çətinlikləri həll etməyin yolları müzakirə olunub.

30 yanvar 2020-ci il tarixində Mərkəzi Gömrük Hospitalında Gömrük əməkdaşlarının peşə bayramına həsr olunmuş tədbir keçirilib.Tədbiri giriş sözü ilə açan DGK Tibbi Xidmət İdarəsinin rəisi Ceyhun Məmmədov ilk öncə kollektivi peşə bayramı münasibəti ilə təbrik edib və Ulu öndərin siyasətinin layiqli davamçısı möhtərəm Prezident cənab İlham Əliyevin verdiyi tapşırıqlar əsasında hal-hazırda gömrük orqanlarında həyata keçirilən köklü islahatlar barədə ətraflı məlumat verib.