10 may 2023-cü il tarixində Mərkəzi Gömrük Hospitalında Ümummilli liderin əziz xatirəsi ehtiramla yad edilib. 

Dövlət Gömrük Komitəsinin Tibbi Xidmət İradəsinin rəisi Ceyhun Məmmədov, rəis müavinləri İsmayıl Əfəndiyev və Fərid Əbilov, Mərkəzi Gömrük Hospitalının rəisi Bəxtiyar Musayev, əməkdaşlar və tibb personalı Ulu öndərin Mərkəzi Gömrük Hospitalında yerləşən büstü qarşısına gül çələngi qoyublar, tər çiçəklər düzüblər və ona olan hörmət və ehtiramlarını ifadə ediblər.

8 may 2023-cü il tarixində Mərkəzi Gömrük Hospitalında Ulu öndər Heydər Əliyevin anadan olmasının 100 illiyinə həsr edilmiş təntənəli tədbir keçirilib. Tədbirdə Azərbaycan Respublikası Tibbi Xidmət İdarəsinin rəisi Ceyhun Məmmədov, Tibbi Xidmət İdarəsinin rəis müavinləri Şahlar Mirqasım, İsmayıl Əfəndiyev, Fərid Əbilov, Mərkəzi Gömrük Hospitalının baş həkimi Bəxtiyar Musayev, tibb personalı, əməkdaşlar, rezidentlər və könüllü gömrükçülər iştirak ediblər.

26 aprel 2023-cü il tarixində Mərkəzi Gömrük Hospitalında akademik Zərifə Əliyevanın 100 illik yubileyinə həsr edilmiş anım tədbiri keçirilib. Tədbirdən öncə Dövlət Gömrük Komitəsinin Tibbi Xidmət İdarəsinin rəisi Ceyhun Məmmədov və nümayəndə heyəti Fəxri xiyabana gələrək müasir Azərbaycan dövlətinin qurucusu Ümummilli Lider Heydər Əliyevin və görkəmli oftalmoloq alim, akademik Zərifə xanım Əliyevanın xatirəsini anıb, məzarları önünə tər çiçəklər düzüblər.