Mərkəzi Gömrük Hospitalına ağır vəziyyətdə daxil olan xəstə - “HB Güven” klinikasının həkimi, ümumi cərrah Dr.Niyazi Eminov COVID-19 xəstəliyindən müalicə olunaraq sağalıb.Sentyabrın 29-da evə yazılan Mərkəzi Gömrük Hospitalının pasiyenti Niyazi Eminov bu barədə deyib: Ilk olaraq sağlamlığıma qovuşduğum üçün çox sevincliyəm.  

9 sentyabr 2021-ci il tarixində Mərkəzi Gömrük Hospitalında Philips şirkətinin MDB ölkələri üzrə regional direktoru Artyom Padeyskiy, Philips şirkətinin Azərbaycan və Gürcüstan üzrə regional direktoru Nigar Zeynalova ilə görüş keçirilib. Görüşdə Dövlət Gömrük Komitəsi Tibbi Xidmət İdarəsinin rəisi Ceyhun Məmmədov, Mərkəzi Gömrük Hospitalının baş həkiminin müavini Dr.Bəxtiyar Musayev və Alqı-satqı və Təchizat şöbəsinin rəisi Rəşad Fərəcov iştirak ediblər.

Mərkəzi Gömrük Hospitalı Tibbi laboratoriyasının ISO 15189:2012 “Tibbi laboratoriyalar. Keyfiyyətə və səlahiyyətliliyə olan tələblər” beynəlxalq keyfiyyət standartına uyğun olması üzrə audit akkreditasiyası ikinci dəfə  müvəffəqiyyətlə başa çatıb. Auditin nəticələrinə görə Mərkəzi Gömrük Hospitalı Tibbi laboratoriyasının ISO 15189:2012 beynəlxalq keyfiyyət standartına uyğun olduğu təsdiq edilib.