28-29 iyul 2021-ci il tarixlərində Dövlət Gömrük Komitəsi Tibbi Xidmət İdarəsi Elmi-Təcrübi və Tədris Mərkəzinin, Mərkəzi Gömrük Hospitalının və rəsmi tərəfdaş Florence Nightingale Xəstəxanalar Qrupunun birgə təşkilatçılığı ilə ZOOM platforması üzərindən həyata keçirilmiş “28 iyul Ümumdünya Hepatit Günü”nə həsr edilmiş “Birinci Bakı Beynəlxalq Hepatologiya və Qaraciyər Transplantasiyası Günləri” adlı Onlayn Elmi Tədbir yekunlaşıb.

İyunun 17-də Mərkəzi Gömrük Hospitalında Tibb İşçilərinin Peşə bayramı Gününə həsr edilmiş tədbir keçirilib. Tədbirdə ilk öncə Dövlət Gömrük Komitəsinin sədri, gömrük xidməti general-polkovniki Səfər Mehdiyevin Mərkəzi Gömrük Hospitalının əməkdaşlarına ünvanladığı video-müraciət dinlənilib. Video-müraciətdə Komitə sədri Mərkəzi Gömrük Hospitalının fəaliyyətini yüksək qiymətləndirərək bütün tibb işçilərini  peşə bayramı münasibətilə təbrik edib, onlara çətin, müqəddəs və şərəfli işlərində uğurlar arzulayıb.

31 may 2021-ci il tarixindən Dövlət Gömrük Komitəsi Tibbi Xidmət İdarəsi Elmi-Təcrübi və Tədris Mərkəzinin və Mərkəzi Gömrük Hospitalının təşkilatçılığı, Mərkəzi Gömrük Hospitalın rəsmi tərəfdaşı Florence Nightingale Xəstəxanalar Qrupunun, eləcə də "Uptodate in Medicine MMC" şirkətinin dəstəyi ilə öz işinə başlayan “1 İyun Uşaqların Beynəlxalq Müdafiəsi Günü”nə həsr edilmiş "Pediatrik Xəstəliklərə Multidisiplinar Yanaşma" mövzusunda Beynəlxalq Elmi Konfrans yekunlaşıb.